ⴰⵏⵙⴰ ⴷ ⵉⴷⵔⵉⵣⵏ ⵉⵎⴰⵍⵍⴰⵢⵏ
ⵜⴰⴹⴼⵉ ⵏ ⵜⵔⵓⵍⴰ ⵖⵔ ⴰⴳⵍⵎⴰⵎ ⴷ ⵜⵎⵙⴽⵙⴰⵍⵉⵏ ⴰⴳⵏⵙⵓ ⵏ ⵓⴳⴰⵎⴰ
ⵙ ⵓⴼⵓⵍⴽⵉ ⵏⵏⵙ ⴰⴳⵔⴰⴽⴰⵍ ⵢⴰⵜⵜⵓⵢⵏ ⴷ ⵜⴰⴹⴼⵉ ⵏ ⵜⵓⴷⵔⵜ ⴷⵉⴳⵙ ⵉⵍⵍⴰⵏ, ⵉⴳⴰ ⵓⴳⵍⵎⴰⵎ ⵏ ⵏⵏⴰⴹⵓⵕ ⵢⴰⵏ ⵓⵙⵏⴼⵍ ⵓⴼⵔⵉⴷ ⵏ ⵜⵏⴰⵍⵉⵡⵉⵏ ⵜⵉⵎⴰⵍⵍⴰⵢⵉⵏ ⵜⵉⵏⵎⵢⴰⵔⵉⵏ ⴳ ⵍⵎⵖⵔⵉⴱ. ⴰⵔⴳⴰⴱ ⵏ ⵡⴰⵏⵙⴰ ⴰⴷ ⵓⵙⵍⵉⴷ ⴳ ⵜⴳⵍⴷⵉⵜ ⴰⵎ ⴰⵎⵓⴷⴷⵓ ⴳ ⵢⵉⵎⴰⵏ ⵏ ⵜⴰⴹⴼⵉ ⵏ ⵡⴰⴽⴰⵍ ⵖⵓⵔ ⴰⴼⵔⵉⵙ ⴰⴳⴰⵎⴰⵏ ⴰⵥⵓⵕⴰⵏ 100%. ⵜⴰⵣⴷⵓⵖⵜ ⴷ ⵜⵎⴰⵍⵍⴰⵢⵜ ⵜⴰⵎⵏⴰⵡⴰⵢⵜ ⴳ ⵍⵎⵖⵔⵉⴱ ⴷ ⵜⴰⵎⵍⴷⴰ ⵏ ⵡⴰⵍⴰⵙ ⵏ ⵓⵎⵢⴰⵡⴰⴹ ⴰⴽⴷ ⵉⵅⴼ ⴳ ⵡⴰⵎⵎⴰⵙ ⵏ ⵉⵎⵓⵖⵍⵉⵢⵏ ⵥⵉⵍⵏⵉⵏ.
ⵜⴰⴹⴼⵉ ⵏ ⵜⵔⵓⵍⴰ ⵖⵔ ⴰⴳⵍⵎⴰⵎ ⴷ ⵜⵎⵙⴽⵙⴰⵍⵉⵏ ⴰⴳⵏⵙⵓ ⵏ ⵓⴳⴰⵎⴰ
ⵢⴰⵏ ⵓⴳⵍⵎⴰⵎ ⴳ ⵏⵏⴰⴹⵓⵕ ⵏⴳⵔ ⵢⵉⵍⵍ ⴷ ⵓⴷⵔⴰⵔ
ⴳ ⵓⵙⵎⵓⵔ ⵏ ⵓⵎⵏⵥⴰⵡ ⴰⴼⵔⵉⵇⵉ, ⴳ ⵡⴰⵏⵙⴰ ⵏⵏⴰ ⴳ ⵣⴷⵉⵏ ⵉⴷⵔⴰⵔⵏ ⵏ ⵍⵇⴱⵍⵜ ⴷ ⵢⵉⵍⵍ ⴰⴳⵔⴰⴽⴰⵍ. ⴰⴷⵖⴰⵔ ⵍⵍⵉⴳ ⵜⵜⴰⵍⵙⵏ ⵉⴱⵓⵔⴽⴰⵏⵏ ⵉⵇⴱⵓⵔⵏ ⵜⴰⵍⵍⴰⵙⵜ ⵏ ⵡⴰⴽⴰⵍ. ⵖⵉⵏⵏ ⴰⵖ ⵉⵏⵜⵍ ⵓⴱⴰⵢⵏⵓ ⵏ ⵓⴳⵍⵎⴰⵎ ⵏ ⵏⵏⴰⴹⵓⵕ. ⴳ ⵡⴰⵏⵙⴰ ⴰⴷ ⴰⵊⵢⵓⴳⵔⴰⴼⵉ ⵓⵙⵍⵉⴳ ⴰⵖ ⴷ ⵜⵍⵓⵍ ⵢⴰⵜ ⵜⵎⵖⵡⴰⵏⵜ ⵙⴳ ⵓⴳⴰⵎⴰ ⴰⵎⵖⵔⵉⴱⵉ ⵓⵣⴷⵉⴳ. ⵉⵎⵍⴰⵍⵏ ⵏ ⵡⵓⵔⵖ ⴳ ⵣⵔⵉⵏ ⵉⴼⵓⵏⴷⴰⵏ, ⴷ ⵉⵙⴰⴽⴰⵜⵏ ⵏ ⵜⵏⵢⵓⴷⴷⵓⵜ, ⴷ ⵉⵊⵖⵍⴰⵍⵏ ⴷ ⵜⴹⴹⴰⵏⴳⵉⵡⵉⵏ ⵜⵉⵥⵕⵡⴰⵍⵉⵏ: ⵜⵉⵖⴰⵡⵙⵉⵡⵉⵏ ⴰⴽⴽⵯ ⴳ ⵖⵉⴷ ⴷ ⵜⵉⵎⵙⵎⴰⴷⵉⵏ.
ⵢⴰⵜ ⵜⵏⵉⵍⴰ ⵉⵜⵜⵡⴰⵙⵙⵏⵏ ⵙ ⵓⵖⵓⴷⵓ ⵏ ⵜⵓⴷⵔⵜ ⵜⵓⵙⵍⵉⴷⵜ
ⴰⵙⵍⵓⵜⵜⴼ ⵏ ⵉⵍⵍ ⵉⵣⴷⴷⴳⵏ, ⴷ ⵜⵓⵊⵊⵓⵜⵉⵏ ⵏ ⵉⵎⵖⴰⵢⵏ ⵉⵏⴰⵎⵎⴰⵙⵏ, ⴷ ⵓⵖⵓⴷⵓ ⵏ ⵉⵢⴰⴼⵓⵜⵏ ⵏ ⵢⵉⵍⵍ, ⴷ ⵉⵎⵙⵍⵉ ⵏ ⵡⴰⵢⵍⴰⵍⵏ ⴷⴰ ⵉⵜⵜⴰⵢⵍⴰⵍⵏ ⴰⴼⵍⵍⴰ ⵏ ⵓⴳⵍⵎⴰⵎ… ⴷⴰ ⵜⵜⴰⵊⵊⴰⵏⵜ ⵜⵖⴰⵡⵙⵉⵡⵉⵏ ⴰⴽⴽⵯ ⴳ ⵖⵉⴷ ⴰⵏⵔⵣⴰⴼ ⴰⴷ ⵉⵙⵙⵢⴰⴼⴰ ⵙ ⵜⴰⴹⴼⵉ ⴷ ⵜⵣⴷⴳⵉ ⵎⵉ ⵉⵎⴰⵟⵍ ⴰⵣⵎⵣ ⵉⴳⴳⵓⵜⵏ. ⵜⴰⵏⵉⵍⴰ ⵏ ⵎⴰⵔⵜⵛⵉⴽⴰ ⴷ ⵜⴰⵎⵔⴰⵔⵓⵜ ⵅⴼ ⵜⵉⵔⴰⵜ ⵏⵏⵓⵏ ⴷ ⵓⵖⵓⵍ ⵏ ⵢⵉⵎⴰⵏ ⵏⵏⵓⵏ, ⴷ ⵓⵙⴷⵓⵢ ⵏ ⵜⵓⴼⵔⴰⵢⵉⵏ ⵏⵏⵓⵏ, ⴷ ⵜⵓⵎⵔⵜ ⵏⵏⵓⵏ ⴳ ⵢⴰⵏ ⵓⵙⴰⵢⵔⴰⵔ ⴱⵕⵕⴰ ⵏ ⵉⵡⵜⵜⴰ ⵏ ⵓⵣⵎⵣ.
ⴳ ⴽⵓ ⵜⴰⵙⴳⴰ, ⵍⵊⵏⵜ ⵏ ⵡⴰⵢⵍⴰⵍⵏ ⴷⴰ ⴰⵡⵏ ⵜⵜⵙⵙⵓⵜⵓⵍ
ⴰⴷⴷⴰ ⵏⵏⴰ ⴷ ⵜⵖⵍⵉ ⵜⴰⴼⵓⴽⵜ ⵏⵉⵖ ⵉⵖ ⵜⵕⵓⵃ, ⴷⴰ ⵙⵙⵓⵙⵓⵎⵏ ⵉⴳⴹⴰⴹ ⵏ ⵍⴼⵍⴰⵎⵉⵏⴳⵓ ⵉⵣⵡⴰⵡⴰⵖⵏ ⴷ ⵏⵏⴰⵡⵕⴰⵙ ⴷ ⵡⴰⵢⵍⴰⵍⵏ ⵉⵥⵔⵡⴰⵍⵏ ⵉⵏⴰⵣⵓⴼⵏ, ⵉⴷⴷⵖ ⴳ ⵡⴰⵏⵙⴰ ⴰⴷ ⴰⵖ ⴰⵔ ⵜⵜⵎⵉⵇⵇⵉⵔⵏ ⵡⴰⵎⴰⵏ ⵎⵎⵉⵎⵏⵉⵏ ⴷ ⵡⵉⴷ ⵉⵍⴰⵏ ⵜⵉⵣⵏⵜ, ⴰⴷⵖⴰⵔ ⵏ ⵓⴳⵍⵎⴰⵎ ⵡⵉⵙ ⵙⵉⵏ ⴳ ⵜⵎⴷⴰ ⵏ ⵢⵉⵍⵍ ⴰⴳⵔⴰⴽⴰⵍ. ⵜⴰⴳⵎⵎⵓⵜ ⵙⴳ ⵡⴰⴽⴰⵍ ⴷ ⵡⴰⵎⴰⵏ, ⵜⴰⴷ ⵉⵜⵜⵓⵙⵜⴰⵢⵏ ⵙⴳ ⵡⴰⵏⵙⴰⵜⵏ ⵖⵓⵔ ⵢⴰⵜ ⵜⵏⴷⵉ ⵜⴰⴱⵢⵓⵍⵓⵊⵉⵜ ⴷ ⵜⵡⵏⴹⴰⵏⵜ (SIBE), ⵜⴻⵜⵜⵓⵙⵜⴰⵢ ⴰⵡⴷ ⴰⵎ ⵢⴰⵏ ⵡⴰⵏⵙⴰ ⴰⴳⴰⵎⴰⵏ ⵖⵓⵔ ⵢⴰⵜ ⵜⵏⴷⵉ ⵜⴰⴳⵔⴰⵖⵍⴰⵏⵜ (RAMSAR).
ⵜⴰⵡⵡⵓⵔⵜ ⵏ ⵡⴰⴷⴰⴼ ⵏ ⵢⵉⵅⴼ ⵏ ⴽⵕⴰⴹⵜ ⵏ ⵜⵉⵣⴰⵔ
ⵉⵍⵍⴰ ⵢⵉⵅⴼ ⴰⴷ ⵏ ⵓⵙⵓⵍⵉⵍ ⵙⴳ ⵜⵙⵓⵎⵜⴰⵡⵉⵏ ⵏ ⵉⴱⵓⵍⴽⴰⵏⵏ ⴷ ⵍⵊⵉⵔ ⴳ ⵜⵓⴳⴳⵓⴳⵜ ⵏ 40 ⵏ ⵉⴷⴽⵉⵍⵓⵎⵉⵜⵔ ⵉⵥⵥⵍⵎⴹ ⵏ ⵓⴳⵎⴰⵎ ⵏ ⵏⵏⴰⴹⵓⵕ, ⵉⵕⵥⵎⵏ ⵅⴼ ⵢⵉⵍⵍ ⵏ ⵍⴱⵓⵔⴰⵏ, ⵉⴳ ⵙⴳ ⵡⴰⵏⵙⴰⵜⵏ ⵉⴳⴰⵎⴰⵏⵏ ⵉⵥⵉⵍⵏ ⴳ ⵍⵎⵖⵔⵉⴱ. ⴰⴷⴷⴰⴷ ⵏⵏⴰ ⵜⵙⵙⵏⵜⵉⵜ ⵉⵙⵓⵔⵉⴼⵏ ⵏⵏⴽ ⵣⵡⴰⵔⵏⵉⵏ ⴳ ⵡⴰⵏⵙⴰ ⴰⴷ ⵉⵛⵏⴰⵏ ⵉ ⵜⵡⴰⴷⴰ ⴷ ⵜⵏⵢⵓⴷⴷⵓⵜ, ⴷⴰ ⵜⵙⵙⵢⴰⴼⴰⵜ ⴰⵎ ⵜⵍⵍⵉⴷ ⴳ ⵓⵙⵎⵓⵔ ⵏ ⵓⵎⴰⴹⴰⵍ. ⵙⴳ ⵉⵎⵓⵖⵍⵉⵢⵏ ⵉⵊⵢⵓⵍⵓⵊⵉⵢⵏ ⴰⵔ ⵉⵡⵍⴰⴼⵏ ⵥⵉⵍⵏⵉⵏ ⴷ ⵓⵙⵓⵏⵏ ⵏ ⵉⵏⴳⵎⴰⵔⵏ… ⵢⴰⵜ ⵜⵉⵔⵎⵉⵜ ⴽ ⵉⵜⵜⴰⵙⵉⵏ ⵙ ⵜⵓⴳⴳⵓⴳⵜ ⵅⴼ ⵓⵏⵎⵢⴰⵔ.
ⵎⴰⵏⵉ ⴳ ⵍⵍⴰⵏ ⵉⴼⵜⴰⵙⵏ ⴷ ⵉⵙⵍⵓⵍⵍⴰ ⵥⵉⵍⵏⵉⵏ ⴳ ⵍⵎⵖⵔⵉⴱ
ⴷⴰ ⵏⵏ ⵉⵏⵜⵜⵍ ⵉⵥⵕⵉ ⴳ ⵓⴽⵍⵓ ⴰⴼⵉⵔⵓⵣⵉ ⵏ ⵓⴼⵜⴰⵙ ⵏ ⵛⴰⵕⴰⵏⴰ, ⵉⵙⴷⵔⴼ ⵓⵙⵡⵉⵏⴳⵎ ⴳ ⵉⵙⵍⵓⵍⵍⴰ ⵥⵉⵍⵏⵉⵏ ⵏ ⵜⵉⴱⵓⴷⴰ, ⵎⵎⵔⵏⵜ ⵜⵓⴼⵔⴰⵢⵉⵏ ⵙ ⵓⵎⵍⴰⵍ ⵏ ⵓⴼⵜⴰⵙ ⵏ ⴱⵓⴳⴰⵏⴰ, ⵉⵜⵜⵓⵙⵎⴰⵢⵏⵓ ⵢⵉⵎⴰⵏ ⴳ ⵡⴰⵎⴰⵏ ⵏ ⵉⵅⴼ ⵏ ⵡⴰⵎⴰⵏ ⵉⵣⴷⴷⴳⵏ. ⵜⴰⵍⴳⴰⵎⵜ ⵏ ⵉⵙⵍⵓⵍⵍⴰ ⴷ ⵉⴼⵜⴰⵙⵏ ⵙⵓⵍ ⵜⵖⵣⵣⵉⴼ ⴳ ⵜⵙⴳⴰ ⵏ ⵏⵏⴰⴹⵓⵕ. ⴰⴼⵜⴰⵙ ⵓⵙⵍⵉⴳ ⵏⵉⵖ ⴰⵎⴰⵜⴰⵢ, ⵜⴰⵙⴳⴰ ⵏ ⵓⴳⵍⵎⴰⵎ ⵏⵉⵖ ⵢⴰⵙⴳⴰ ⵏ ⵢⵉⵍⵍ, ⴰⵎⵍⴰⵍ ⵉⵙⵍⵓⵍⵃⵏ ⵏⵉⵖ ⴰⵊⵖⵍⴰⵍ ⴰⵢⵍⵍⴰⵏ… ⵉⵙⵜⴰⵢⵏ ⴳⴳⵓⵜⵏ ⴳⵏ ⵉⵎⵏⴰⵡⴰⵢⵏ.
