ⴰⵎⵣⵔⵓⵢ
ⵜⴰⵎⵙⵙⵓⵔⵜ ⵏ ⵎⴰⵔⵜⵛⵉⴽⴰ ⵎⵉⴷ: ⵢⴰⵏ ⵓⴳⵍⵎⴰⵎ, ⵢⴰⵏ ⵓⵎⵣⵔⵓⵢ…
ⵙⵙⵏⵜⵉⵏⵜ ⴰⴽⴽⵯ ⵙⴳ ⵓⵙⴳⴳⵯⴰⵙ ⵏ 2007 ⵉⴷⴷⵖ ⵜⴱⴰⵢⵢⵏ ⴷ ⵢⴰⵜ ⵜⵉⴷⵜ ⵜⴰⵎⵣⵣⵉⵡⵣⵜ: ⴰⵏⵏⵓⴽⵎⵓ ⵏ ⵓⵏⵏⵓⵕⵥⵎ ⵏ ⵓⴳⵍⵎⴰⵎ ⵏ ⵎⴰⵔⵜⵛⵉⴽⴰ, ⴷ ⵓⴱⵔⴱⵔ ⴷ ⵓⵏⵖⴰⵍ ⵏ ⵡⴰⵎⴰⵏ ⵔⴽⴰⵏⵉⵏ ⵏ ⵜⵖⵔⵎⵜ ⵏ ⵏⵏⴰⴹⵓⵕ, ⵙⵏⴼⵍⵏ ⵜⴰⴳⵎⵎⵓⵜ ⴰⴷ ⵉⵍⵍⴰⵏ ⴳ ⵍⵇⴱⵍⵜ ⵏ ⵍⵎⵖⵔⵉⴱ ⵙ ⵢⴰⵏ ⵡⴰⵏⵙⴰ ⵉⵍⴽⵎ ⵓⵔⴷⴰⵍ, ⵖⴰⵍⵏ ⴰⴽⴽⵯ ⵉⵡⴷⴰⵏ ⵏ ⵏⵏⴰⴹⵓⵕ ⵎⴰⵙ ⴷ ⴰⴱⴰⵢⵏⵓ ⴰⵢⵍⴰⵏ ⵏ ⵜⵎⵏⴰⴹⵜ ⵏ ⵍⵇⴱⵍⵜ ⵉⵙ ⵢⴰⴼⵓⴹ. ⵖⵉⴷ ⴰⵖ ⴷ ⵉⵍⵓⵍ ⵓⵙⵏⵜⵉ ⵏ ⵎⴰⵔⵜⵛⵉⴽⴰ ⵎⵉⴷ.
ⵜⴰⵎⵙⵙⵓⵔⵜ ⵏ ⵎⴰⵔⵜⵛⵉⴽⴰ ⵎⵉⴷ: ⵢⴰⵏ ⵓⴳⵍⵎⴰⵎ, ⵢⴰⵏ ⵓⵎⵣⵔⵓⵢ…
ⵢⴰⵏ ⵓⵙⵏⵜⵉ ⴰⴳⵍⴷⴰⵏ ⴰⵎⴽⴰⵢⵍⴰⵍ
ⵢⵓⵙⴰ ⴷ ⵓⵙⵏⵜⵉ ⵎⴰⵔⵜⵛⵉⴽⴰ ⵎⵉⴷ ⵙⴳ ⵢⴰⵜ ⵜⴰⵏⵏⴰⵢⵜ ⵜⴰⵎⴽⴰⵢⵍⴰⵍⵜ ⴷⴰ ⵉⵡⴰⵜⵜⵙⵏ ⵉⴳⴳⵉⵜ ⵏ ⵢⴰⵏ ⵡⴰⵎⵓⵔ ⵉⵥⵥⵏⵥⵕⵏ, ⵏⵏⴰ ⵉⵙⵎⵓⵏⵏ ⵏⴳⵔ ⵓⴼⵔⴰⴳ ⵏ ⵡⴰⵢⴷⴰ ⴰⵡⵏⴹⴰⵏ ⴷ ⵜⴷⵉⵏⴰⵎⵉⵜ ⵜⴰⵏⴰⵎⵓⵏⵜ ⴷ ⵜⴷⵎⵙⴰⵏⵜ. ⵃⵎⴰ ⴰⴷ ⵏⴰⵡⴹ ⵜⴰⵏⵏⴰⵢⵜ ⴰⴷ, ⵉⵍⵍⴰⵏ ⴷⴷⴰⵡ ⵏ ⵓⵏⵀⵍⵍⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵙⵙⵔⵏⵓ ⵕⴱⴱⵉ, ⵜⵙⵡⵓⵔⵉ ⵜⵎⵙⵙⵓⵔⵜ ⵏ ⵎⴰⵔⵜⵛⵉⴽⴰ ⵎⵉⴷ, ⴳ ⴽⵓ ⵜⵉⴼⵔⴽⵜ ⵙⴳ ⵜⴼⵔⴽⵉⵡⵉⵏ ⵏ ⵓⵙⵏⵜⵉ, ⵅⴼ ⵓⵙⴷⵓⵙ ⵏ ⵜⵏⵏⵓⵣⵖⴰ ⵏ ⵜⵎⵏⴰⴹⵜ ⵏ ⵍⵇⴱⵍⵜ.
ⴰⵙⵉⴷⴷⵔ ⵏ ⵓⴱⴰⵢⵏⵓ ⵏ ⵏⵏⴰⴹⵓⵕ
ⴳ ⵎⵔⴰⵡ ⵏ ⵉⵙⴳⴳⵯⴰⵙⵏ, ⵜⵙⵡⵓⵔⵉ ⵜⵎⵙⵙⵓⵔⵜ ⵏ ⵎⴰⵔⵜⵛⵉⴽⴰ ⵎⵉⴷ ⵉⵜⵜⵓⵙⵎⴰⴳⵍⵏ ⵙ ⵜⴳⵎⵉ ⵜⵓⵎⵀⵉⵍⵜ ⵏ ⵓⵙⵏⵜⵉ, ⴰⴽⴷ ⵜⵎⵙⵙⵓⵔⵜ ⵏⵏⵙ ⵜⴰⵢⵎⵎⴰⵏⵜ, ⴷ ⵜⵙⵏⵓⵔⴰⵢⵜ ⵏ ⵓⵙⵎⵙⴰⵙⴰ ⵏ ⵓⴳⵍⵎⴰⵎ ⵏ ⵎⴰⵔⵜⵛⵉⴽⴰ ⵅⴼ ⵓⵙⵏⵊⵎ ⵏ ⵡⴰⵏⵙⴰ ⵉⵛⵏⴰⵏ ⴳ ⵜⵙⴳⴰ ⵏ ⵏⵏⴰⴹⵓⵕ, ⴷ ⵓⵙⵉⴷⴷⵔ ⴷ ⵓⵙⴷⵓⵙ ⵏ ⵓⴼⵓⵍⴽⵉ ⵏⵏⵙ ⴰⴳⴰⵎⴰⵏ. ⴰⵙⵙ ⴰⴷ, ⵉⵛⵇⵇⴰ ⴰⴷ ⵏⵙⵡⵉⵏⴳⵎ ⴳ ⵓⵍⵓⴼ ⵜⵜ ⵉⵏⵏ ⵉⴽⴽⴰⵏ ⴳ ⵡⴰⵏⵙⴰ ⴰⴷ ⴷⴰⵜ ⵏ ⵓⵙⵏⴼⵍ ⵏⵏⵙ.
ⵢⴰⵏ ⵓⵙⵏⵜⵉ ⴰⵎⴰⵍⵍⴰⵢ ⴰⵏⵥⴽⴰⵡ ⵓⵙⵍⵉⴷ
ⵖⵓⵔ ⵎⴰⵔⵜⵛⵉⴽⴰ ⵜⵉⵣⵎⵎⴰⵔ ⵜⵉⴳⴰⵎⴰⵏⵉⵏ ⴷ ⵜⵡⵏⴹⴰⵏⵉⵏ ⵜⵉⵎⵓⴼⴰⵢⵉⵏ, ⵜⵉⵡⴹ ⴰⵙⵡⵉⵔ ⵍⵍⵉⴳ ⵓⵔ ⵜⵣⵎⵔ ⵜⴰⵍⵍⴰⵙⵜ ⵏⵏⵙ ⴰⴷ ⵜⴱⴷⴷ ⵖⴰⵙ ⴳ ⵜⵡⵏⴰⵖⵜ ⵏ ⵓⵙⵙⵏⵊⵎ. ⵃⵎⴰ ⴰⴷ ⴰⵡⵏ ⵏⵓⵡⵛ ⵜⵉⵔⵎⵉⵜ ⵉⴷⴷⵔⵏ ⴳ ⵓⴼⵓⵍⴽⵉ ⵏ ⵓⴳⵍⵎⴰⵎ ⵏ ⵏⵏⴰⴹⵓⵕ, ⵜⴳⴳ ⵜⵎⵙⵙⵓⵔⵜ ⵏ ⵎⴰⵔⵜⵛⵉⴽⴰ ⵎⵉⴷ ⵢⴰⵏ ⵓⵙⵔⵙ ⴰⵎⴰⵍⵍⴰⵢ ⴰⴳⵔⴰⵎⵏⴰⴷ ⴳ ⵢⴰⵜ ⵜⵡⵏⵏⴰⴹⵜ ⵉⴼⵔⴳⵏ, ⴰⵎ ⵜⵉⵙⵉⵜ ⵏ ⵢⴰⵜ ⵜⵡⴰⵔⴳⵉⵜ ⵜⴰⵡⵏⴹⴰⵏⵜ ⴷ ⵜⵎⴰⵍⵍⴰⵢⵜ ⵊⵊⵓ ⵜⵜ ⵉⵏⵏ ⵓⵔ ⵉⴽⴽⵉⵏ ⴳ ⵍⵎⵖⵔⵉⴱ.
ⵎⴰⵏⵉ ⴳ ⵜⵍⵍⴰ ⵍⵊⵏⵜ ⵜⴰⵡⵏⴹⴰⵏⵜ ⵜⴰⵎⴰⵍⵍⴰⵢⵜ ⵜⴰⵎⴰⵢⵏⵓⵜ ⴳ ⵍⵎⵖⵔⵉⴱ?
ⵉⴷⴷⵖ ⵙⵓⵍ ⵉⴹⴼⵕ ⵓⵎⴰⵡⴰ ⵏ ⵓⵙⵎⵙⴰⵙⴰ ⴰⵣⴷⴷⵓⵢ ⵏ ⵉⴼⵔⵉⵙⵏ ⵉⵎⵣⵡⵓⵔⴰ ⵏ ⵜⵖⵔⵎⵜ ⴳ ⵓⵙⵏⵜⵉ, ⵙⴷⴷⵉⴷⵏⵜ ⵜⵔⵓⴱⴱⴰ ⵏ ⵜⵎⵙⵙⵓⵔⵜ ⵎⴰⵔⵜⵛⵉⴽⴰ ⵎⵉⴷ, ⵓⴳⴳⴰⵔ ⵏ ⵎⴰⴷ ⵉⵣⵔⵉⵏ ⵅⴼ ⵓⵥⵥⵏⵥⵕ ⵏ ⵜⵏⵉⵍⴰ ⵏ ⵎⴰⵔⵜⵛⵉⴽⴰ ⴱⵕⵕⴰ ⵏ ⵉⵡⵓⵜⵜⴰ ⵏⵏⵙ. ⴰⵙⵙ ⴰⴷ ⵓⵔ ⵙⵓⵍ ⵉⵥⵍⵉ ⵓⵙⴽⴽⵉⵏ ⵖⴰⵙ ⵙ ⵓⵙⵏⴼⵍ ⵏ ⵉⴷ ⴳⴰⵔ ⵙ ⵜⵓⵎⵔⵜ, ⵎⴰⵛⴰ ⴰⵡⴷ ⵉⴳⴳⵉⵜ ⵏ ⵓⴳⵍⵎⴰⵎ ⵏ ⵏⵏⴰⴹⵓⵕ ⵢⴰⵜ ⵜⵏⵉⵍⴰ ⵜⴰⵎⴰⵍⵍⴰⵢⵜ ⵜⴰⵡⵏⴹⴰⵏⵜ ⵜⵓⴼⵔⵉⴷⵜ, ⵓⵔ ⵉⵟⵟⵉⴼⵏ ⴰⵏⴰⵡ.